P-value, تبسيط شبه مخل

البى فاليو اللى مغلبانا

توضيح بتبسيط شبه مخل

علشان أختبر أى فرضية علمية بعمل تجربة
من التجربة بجمع داتا 
بحلل الداتا باستخدام اختبار احصائي مناسب 
نتيجة الاختبار بتعطينا في الغالب بي فاليو 
وقيمة البي فاليو بنلاقيها منشورة فى الاوراق العلمية
ايه معنى هذا الرقم؟
نقدر نقول إن البي فاليو هى “احتمالية الصدفة” ، احتمالية ان العلاقة صدفة ، او احتمالية ان الاختلاف صدفة ، حسب البحث بتاعى
بمعنى لو بقارن بين مجموعتين ولقيت ان البي فاليو 0.01 ، معناها ان احتمالية ان الفرق بين المجموعتين مجرد صدفة هو 1%؜ ، وبالتالى هنستبعد ان الفرق ده صدفة ، وهنقول ان غالبا الفرق ده حقيقي
او لو عايز اشوف هل فيه علاقة بين حاجة معينة وحدوث مرض معين ، ولقينا البي فاليو بردو صغيرة ، مثلا 0.02 ، معنى ده ان احتمالية كون العلاقة مجرد صدفة هى 2% ، وبالتالى نقدر نسنتنتج ان فيه علاقة حقيقية ، مش مجرد صدفة وهكذا 
البي فاليو رقم ، بيتراوح بين الصفر والواحد 
وباختصار لو لقينا الرقم ده اقل من 0.05 معناها ان احتمالية الصدفة قليلة ، وبالتالى العلاقة غالبا حقيقية ،او الفرق غالبا حقيقي وبنقول بالانجليزى 
There is statistically significant difference/association 
كل لما الرقم بيقل ، كل ما كانت احتمالية الصدفة اقل ، وبالتالى كل لما كنا اكثر يقينا من وجود علاقة أو فرق (حسب البحث)
بينما لو الرقم أعلى من 0.05 هنقول ان احتمالية الصدفة مش قليلة ، وبالتالى ممكن الفرق او العلاقة دى تكون مجرد صدفة ، وبنقول بالانجليزى 
There is NO statistically significant difference/association
مثال توضيحى أخير :
لو فرضنا انى عملت تجربة علمية علشان أشوف تأثير واحد من التطعيمات (اللقاحات) ، عندى مجموعتين ، مجموعة أخذت اللقاح (الطعم) والأخرى لم تأخذه ، وقمنا بمقارنة نسبة حدوث المرض في المجموعتين وكانت النتيجة بي فاليو = 0.04
وده معناه ان احتمالية كون الفرق بين المجموعتين مجرد صدفة هي 4% ، وبالتالي اقدر أقول إن غالبا الفارق ده حقيقي ، وإن الطعم أو اللقاح فعلا ليه تأثير
بينما لو كانت النتيجة بي فاليو = 0.4
فده معناه ان احتمالية كون الفرق بين المجموعتين مجرد صدفة هي 40% ، وبالتالي اقدر أقول إن غالبا الفارق ده غير حقيقي ، وإن الطعم أو اللقاح ليس له تأثير
كان هذا تبسيط شديد لمعنى البي فاليو اللى هى باختصار “احتمالية الصدفة”
ملاحظة : الشرح الدقيق لمعنى البي فاليو يتطلب التطرق لموضوع null and alternative hypothesis 
وهو الأمر الذى حاولنا تجنب التطرق إليه في محاولة للتبسيط

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s